سوسو ومرمر ونونى وبوسى (الجزء الاول )

هالوز عليكوا
انا النهردة جايلكوا بفكرة جديدة يارب تعجبكوا
هى عبارة عن قصة بس مضحكة شوية وكمان بتوصفلنا ازاى بئا تفكير شوية من بنات اليومين الدول
ودلوقتى مع الجزء الاول
بعد فرح نيرمو
هعرفكوا على الشخصيات
سوسو و نونى ومرمر وبوسى
سوسو: شفتوا النهردة فرح البت نيرموا كان جامد ازاى
مرمر: اه ولا الولاد الى فيه كانوا قمر قمر
نونى: ما تفكنيش ده البت سالى كانت لابسة فستان يجنن وكان نص الولاد هيموتوا ويكلموها
بوسى: لا لا لا ولا المنكير بتاعها واو كان جامد اوى
مرمر: ده انا كان فى ولد هيموت ويكلمنى الى كان لابس قميص اسود ما انا وريتهولك يا نونى
نونى: بس عاوزة الصراحة يا مرمر الولد ابو قميص موف كان احلى منه بس يلا اه يمشى
سوسو: عندك حق اهه كله بيطلع فى الغسيل
مرمر: بس انا بئا تقلت عليه اووووى عشان يعرف انى مش هكلمه بسهولة
نونى: جاتك نيلة يااختى ال يعنى هو ما يعرفش انك كنتى هتوافقى
بوسى: اوعى تكونى تقلتى اوى يا موزة بدل ما الواد يطير منك
سوسو: يطير مين ده تلاقيى مرمر مسكت فيه بايدها وسنانها
مرمر: ما انا تقلت شوية وبعد كدة قولت كفاية عليه كدة وخدت رقمه
سوسو: بس شفتوا يا بنات سيرين وهى بترقص رقصها يجنن
نونى: لا لا لا رقص ايه يا ستى هى ناقصة
مرمر: او نو انا مش ممكن ارقص انتى عاوزاهم يقولو عليا ايه ماعنديش بريستيج
بوسى: عندك حق كان زمان الواد نفضلك
مرمر: بس بس ده بيتصل اسكتوا عشان ارد
سوسو: عاوزة اسمع صوته يا مرمر
نونى : صوته ايه احنا عاوزين نسمع هو هيقولها ايه
بوسى: بس يا عبية انتى وهى شغلى السبيكر يا مرمر
سوسو: بس بس ماما جت
نونى: كبسة يا مرمر اوعى تردى طنط جاية وهيبئا يومنا مش فايت


ده كان اول جزء
ياريت تقولولى رايكوا بصراحة
وانشاء الله لو عجبتكوا هعمل جزء تانى