Mathematics _girl
| | النائب العام | |
عدد المساهمات : 2003
نقاط : 5582
تاريخ التسجيل : 25/08/2009
 |  موضوع: قصة الحب الحائر ...الجزء (1)  الأربعاء يوليو 28, 2010 9:01 am | |
|
الحلقة الاولى
- المرة دى هنحكى عن شخصين .....
- الشخصين دول قريبين جدا من بعضهم لدرجة مستحيل حد يصدقها .....
"شريف & شرين"
- جيران فى نفس العمارة وفى نفس الدور بس أكبر صدفة إن الاتنين فى نفس السن يعنى الفرق يا دوب شهرين .
- عاشوا كل حياتهم مع بعض فى كل حاجة من لما كانوا لسة يا دوب فى الحضانة لحد لما خلصوا الثانوية
العامة ...... كانوا تقريبا اكتر من توأم .
- بس كانت أسعد لحظة فى حياتهم لما حققوا حلمهم الكبير ودخلوا كلية الهندسة ......... ومن هنا بدأ أول يوم
دراسة فى الجامعة ...... يلا بينا نشوف ممكن يحصل ايه....!؟
- شريف واقف مع أستاذ "سعد" المحامى والد "شرين" قدام باب العمارة
ومستنين شرين لما تنزل عشان المفروض إنه هيوصلهم الجامعة ويروح المحكمة عشان عنده جلسة مهمة قوى...
(شريف):إيه يا عمو...... هى شرين مش نازلة ولا إيه..!؟
(عمو سعد):والله يا إبنى مش عارف بتعمل إيه كل ده........... كده هتأخرنى .
(شريف):خلاص أوكيه ........... حضرتك روح عشان تلحق الجلسة ...... واحنا نقدر نتصرف ........ أهى خلاص جاية .
(شرين):صباح الخير يا جماعة .
(شريف):صباح النور....... إيه التأخير ده كله ..!؟... وبعدين إيه ده .. هتروحى الجامعة كده ..!؟
(شرين):فى إيه ..!؟... لبسى عادى جدا ومحترم كمان .... ولا إنت فاكر الجامعة كمان ليها "يونى فورم"..!؟
(شريف):آه والله .... كانت أيام تحفة ........ فاكرة المريلة والضفيرتين...!؟
(شرين):تحس إن كل ده كان إمبارح ..... فاكر لما كان أى حد يهزر معاك ويغلس شوية ........ كنت بتعمل منها حكاية..لحد لما بقيت "شريف" قالب وشك..... ههههههه
(شريف):ههههههه.....والله...!؟ ....طب مش ده يبقى أحسن من إنى أهزر مع أى حد معرفهوش وأبقى "شرين" هات كفك...!؟ ...فاكرة ولا نسيتى...!؟
(شرين):على فكرة دمك تقيل قوى ... ويلطش كمان .
(شريف):أنتى اللى بدأتى ... يعنى أنا مش غلطان .
(عمو سعد):طب ممكن نمشى..!؟... ولا أسيب الراجل يلبس إعدام..!؟ عادى يعنى ... المهم راحتكو .
(شريف):سورى يا عمو إحنا آسفين .
- ركبوا الاتنين ومشى "عمو سعد" وهما فى الطريق.......
(عمو سعد):نفسى أعرف ....... إنتو ليه مش قادرين تفهموا إنكم خلاص طلبة جامعة..... وتكبروا بقى .... وتبطلوا تناكفوا فى بعض ...!؟
(شرين):يا بابا حضرتك مش شفت كلامه غلس إزاى...!؟ أعمل معاه إيه يعنى..!؟ أطبطب عليه مثلا....!؟
(شريف):إنتى اللى بدأتى ...... يبقى تستحملى يا شاطرة .
(شرين):آه بدأت ..... بس إنت كالعاده غلست قوى ....... يا بايخ .
(شريف):أنا بايخ ....!؟ طب والله ما شفت حد بايخ قدك .
(عمو سعد):بـــــس خـــــــلاص.......... أنا غلطان ........ إعملو كل اللى انتو عايزين تعملوه فى بعض........بس من فضلكم .....يبقى بعيد عنى ....أنا مش ناقص .
- وصلوا الكلية ونزلوا الاتنين من العربية ......................
(عمو سعد):شرين.... خلى بالك من نفسك..... لا إله إلا الله .
(شرين):حاضر يا بابا..... محمد رسول الله .
(عمو سعد):وإنت يا شريف ..... خلى بالك منها ...عينك عليها.... دى أختك يا شريف ..سامعنى...!؟
(شريف):طبعا يا عمو ...... إطمن حضرتك ....مع السلامة .
- شريف بص وراه لقى شرين وصلت عند باب الكلية وخلاص داخلة
طبعا جرى وراها ووقفها....................
ونكمل المرة اللى الجاية .......
ســــــــــــــــــلام .
| |
|
