الدجاج مفور بالخضر

هاد الأكلة تتعجبني في الصيف و في رمضان لي متيقدش على المرقة في الليل وسمحولي راه ماتنعرفش ندخل الصور يلا قبلتو عليا

الدجاج مفور مع الخضر
كانخد الدجاجة ونغسلها و نحطها تتسقطر
(وناخد الربيع منقي +الثومة+اللب لمصيير +شوية تالملح (حيت المصيير مالح) وندقهم فالمهراز )طريقة تقليدة,
تنزيد عليهم سكنجبير +لبزار+الزعفران+شوية الزعتر مدقوق+بصلة صغيرة مشلظة
الطريقة
نمزج هاد العناصر كلها و ندوزها على الدجاجة مزيان ولي بقا نعمرها به ونحطها في وسط الكسكاس (الصدر يكون لتحت حيت تايشد الطياب)
وناخدو خيزو والبطاطة و نقطعهم طريفات صغار و نمرمدوهم في شويةالملح و الكمون والربيع مقطع ونحطهم في الكسكاس في الجناب
ويلا بغينا معاهم الروز (نصلقه الروز كلاصي الأبيض نصف صلقة ونغسلوه بالماء البارد ونحطو مع الخضرة يفور)
ونقطعو البصلة دواور و نديروها من فوق و نرشها بشوية الملح
التقديم
الدجاجة في الوسط و الخضرة في الجناب نتمنى تعجبكم الدجاج مفور بالخضر S5364

» طبق باكستاني:ماخاني الدجاج مع البندورة المهروسة