الصديقه ردت بانها اتولدت و عاشت ف الكويت و نفسها ترجع قلتلها ف اى مكان غير بلدك انتى مواطنه درجه تانيه و الكويت يوم ما حبت ترحل الناس خدتهم شيلا بيلا و بالشلوت
كان قاعد معانا صحاب من فلسطين و اليمن و السودان و لقيت صاحبى الفلسطينى بيقول لها طب تعالى اعديكى ف نفق لغزه انتوا هنا عايشين ف نعمه مش حاسين بيها!!
و سالت صاحبى السودانى بتحب بلدك؟ قال طبعا و اليمنى كذلك رغم كل المساوئ اللى ف بلادهم و الظروف القاسيه اللى بيعيشوها الا انهم بيحبوها
هل مصر هى الدوله العربيه القمعيه الوحيده؟ الانظمه العربيه التانيه 100 فل و 14 اشمعنى احنا بننهش فيها و بنعلن كرهنا ليها بشكل يحزن كده!!!
الصديقه قالت منكرش ان ناسها طيبين و يوم ما خبطنى بوكس الناس وقفته و خدوا رقمه و فضلوا جنبى لما اتطمنوا عليا ناسها الطيبين خلونى استمر فيها!!!
يا بنتى انتى بتناقضى نفسك؟؟ ثم ان البلد اللى مش عاجباكى صرفت على تعليمك امريكا طالب الطب بيطلع مديون ب 200 الف دولار ع الاقل و انتى متعلمه بلوشى من فلوس الناس الغلابه اللى بيجولك و بتتقنعرى و تعملى عليهم دكتوره
انا مش بقول نحبها حب اعمى و نتغاضى عن العيوب اللى فيها ننقدها طبعا و نكشف اى سلبيات موجوده انما مش بالتطاول والسب و الكراهيه منلعنهاش دى امنا يا ناس حد يلعن امه؟؟؟
طب يا ترى بتتضايقوا زيى لما حد يشتم ف مصر؟ و بيفرق معاكو جنسيه اللى بيشتم؟؟ يعنى لو شتم مصرى يفوت و لو غير مصرى يموت؟؟
ربنا سبحانه و تعالى بيقول
ادخلوا مصر ان شاء الله آمنين
و الرسول عليه الصلاه و السلام قال - فى حديث اسناده ضعيف -
عن عمرو بن العاص قال: حدثني عمر أنه سمع رسول الله يقول: "إذا فتح الله عليكم مصر بعدي، فاتخذوا فيها جنداً كثيفاً، فذلك الجند خير أجناد الأرض" قال أبو بكر: ولم ذاك يا رسول الله؟ قال: " إنهم في رباط إلى يوم القيامة" .
و فى حديث اخر اخرجه مسلم
عن أبي ذر مرفوعاً: "إنكم ستفتحون أرضاً يذكر فيها القيراط، فاستوصوا بأهلها خيراً، فإن لهم ذمة ورحماً"
يعنى بعد كل ده و يجيلنا قلب نقول مبنحبهاش؟؟ نسمع شتيمتها و نسكت او نزود من عندنا كلمتين؟؟ انا زعلان على حال مصر منكرش بس يعنى هوا احنا عملنا ايه عشانها غير الكلام؟؟؟ مصر ذنبها ايه ان ولادها خانعين خاضعين و خايبين؟؟؟ معقول يعنى لو عيل فاشل نروح نشتم مامته؟؟ ما نلطشه قلمين و نفوقه الاول!!
و برضه عاوز اعرف
بتتضايقوا زيى لما حد يشتم ف مصر؟ و بيفرق معاكو جنسيه اللى بيشتم؟؟ يعنى لو شتم مصرى يفوت و لو غير مصرى يموت؟ تفرق لو جنسيه اللى بيشتم عربى من اجنبى؟؟؟ طب و بتتصرفوا ازاى سواء مصرى او غير مصرى؟؟
موضوع: أدعى عليكى يا مصر وأكرهـ اللى يقول آمـــــــين 
الأربعاء يونيو 30, 2010 2:50 pm
يقول: "إذا فتح الله عليكم مصر بعدي، فاتخذوا فيها جنداً كثيفاً، فذلك الجند خير أجناد الأرض" قال أبو بكر: ولم ذاك يا رسول الله؟ قال: " إنهم في رباط إلى يوم القيامة" .