اكسرى قلب الولد زى مابيعمل

اسمعوا يا بنات وركزوا معايا

ازاى تكسرى قلب واد بينفضلك

معلش بقا ياشباب دى قاعده بناتى

اهو بنتعلم شويه منكم والبركه فيكم

الموضوع للفكاهه فقط
وحبه عقل بقا
مش لازم نعمل زى غيرنا مدام احنا واثقين انه غلط
حتى لو غرز جرح فينا مسيره هيداوى

اولا \

لو انتي بتحبي واحد مش معبرك او تقلان عليكي

اعملي كالتالي \ اول ما تشوفيه متبصلوش اعملي نفسك انك مش واخده بالك منه
لما يمشي ابقي بوصي

ثانيا \

الواد لما يلقيكي كنتي لما بتشوفيه بتبصيلي وفجاءه متبصلوش هيفكر فيكي ويقول ايه الا حصل
لحد ما التفكير يعميه ويجي يكلمك

ثالثا \

اول ما يجي يكلمك خالي كلامك معاه رقيق جدا ووطي صوتك
المهم اتقلي في الكلام سيبه هوا الا يتكلم ونفترض مثلا انه قالك ازيك
ردي عليه بكلمه واحده بس كويسه او الحمد لله(( بس اوعي تقوليله ازيك حسسيه انه هوا الا عايز يكلمك ))
مع انك هتموتي وتكلميه بس اتقلي شويه بعدها هيقولك ممكن رقم تليفونك اسكتي شويه
وبعدين قوليله وانتي مضيقه لا و امشي وسبيه(( اتقلي اتقلي ))الواد هيضايق ويفكر فيكي اكتر

رابعا \

اكيد الواد هيحاول ويجيب رقم تليفونك ويكلمك اول ما يكلمك اعملي نفسك انك متعرفيش هوا مين
كالتالي الو .... الو .... مين .....انا فلان ......وجبت رقمي منين ......اكيد مش هيقولك ...........
اسكتي شويه وقوليله متتصلش هنا تاني

واقفلي الفون خالص الواد هيحاول يتصل تاني هيلقيه مقفول هيضايق ويفكر فيكي اكتر واكتر
واكتر حاجه تضايق الواد لما بنت تنفضله

خامسا \

اكيد بعد الا عملتيه ده الواد مش هيبص في وشك خالص انتي بئه تعملي ايه
اول ما تشوفيه بوصيله هيبصلك ويستغرب حسسيه وانتي بتبوصيله انك بتقوليله انك اسفه واول ما تحسي انه هيقرب ويجي يكلمك امشي اوعي تقفي

بعدها الواد هيتعلق بيكي وهيجري علي امه ويقولها انه بيحبك وعايز يتجوزك

وامه هتجري علي السوق

تجيب ازازتين شربات وكيلو برتقان وكيلو تفاح وتيجي تزوركم

وبعدين امك هتيجي تقولك اعملي نفسك انك متعرفهوش واضحكي (( ال يعني البت مكسوفه ))

واى خدمات وخدعات واهو كله بيتعلم منه كله بقيت صلصه هييييييييييييييييييييييييييييه