عدد المساهمات : 2003 نقاط : 5582 تاريخ التسجيل : 25/08/2009
موضوع: وعندك واحد حـــــوار وصلحوا ......... الخميس مارس 18, 2010 5:40 pm
الحـوارات
تفتكروا الناس ممكن تعيش من غير حوارات ولا صعب ؟!
يعني انا بيتهيألي ان في الشباب أنواع جروبات
جروب مقضيها حريم X حريم كل شغلهم وهمهم في الحياة يقعدوا كل يوم يانهار اسود كل يوم يقولوا ولا فاكر البت الفلانية بتاعت البنطلون الفولاني ( الفولاني دا مش محل فول جديد )
ازاي يبقا شباب سن 20-25 سنة كل همهم وتفكيرهم ازاي يعلق البت دي ودي ودي ودي .... ومقضينها أفراح وقال ايه بيعملوا نمر مع بعض وحركات وأفلام
طب ادي نوع
عندك نوع تـــاني كل هموا في الدنيا انهم يتقابلوا عشان يعملوا فيها أفنــدية
ازاي بقا يمشوا مع بعض واللبس الكاجوال وماشين في الشارع دول بقا شباب مخلص جامعة المفروض انهم يبقوا محترمين ( ا لله يحرقكوا هو الاحترام انك تعمل فيها أفندي )
بحس ان فاضلهم شوية ويطلعلهم شنبه ويلبسوا طرابيش ويمسكوا المنشة بتاعت زمان
حتى لو لبسوا حاجه فيها ألوان تحس انك شايفهم أبيض واسود
جروبات تانية كل تفكيرهم إزاي نعمل ( جمعية ) ونروح نشتري قرش حشيش ويقعدوا طول الليل يشــدو ويكــتمو يشـــدو ويكــتمــو
عندك جروب تاني كل تفكـيــروا يقتصر على انوا يقضي يوموا ويعيش حياتوا خروجات وفسخ وعربيات وننزل النهاردة جنينه نروح بكره سيتي ستارز نروح بعد بكره طلعت
يا لهوي يا لهوي يا لهوي يابوسوسو يا لهوي
دا بالنسبة للشباب
البنـــــــــــــات
وانا اقدر انساكوا دانتوا الخير والبركة
عندكوا البنات جروبات جروب كل تفكيروا ازاي يروح يجيب ميك آب وطقم جديد نازل مش عارف مين من صحابها شاف مين من الممثلين لابسه زييوا
مش فارق معاها بكام بقا ( حتى لو الحالة المادية مستريحة )
تونيك فافي بـ 250 جنيه وبـ 350 جنيه وهو كلوا على بعض حتت قماشة تعبانة تفصل يادوب شيميز لبيبي ؟!!!!!
علبة ميك آب ؟!! مش عارف ايه ؟! محدش قال ان الاهتمام بالمظهر وحش بس بالمنظر دا ؟! انت فاهم يعني ايه تنزل تجيب تونيك بمبلغ زي دا ؟! طب افرض نزلت تجيب تلات اربع طقومة مثلا ً هتدخل في كام ؟! 2000 - 3000 ؟! ينهار اسود
So Oveeeeeeeer
عندك نوع تاني من الجروبات كل اهتماموا اسكتي يابنت بيحصل اوعا حد ينكر فاكرة الواد ابن دنوا ماشي ورايا وعمال يعاكسني الـ ( ا ياكوا حد يقول مبيحصلش بيحصل والله بيحصل )
ايه اللى بيحصل دا
بجد الجروبات أشكــال وأنواع ............... عاوزين لحظة صراحة مع بعض
تدخل تقول جروبك نوعوا ايه من دول وايه دورك في انك تعدل فيه
طبعا ً مش المعني من كدا ان الشباب كلهم وحشين بس دي صور ودي صور ومش المطلوب برضوا اننا نقعد كلنا نتكلم في السياسة والحوارت والبنية التحيتة والفوقية والدولــة
موضوع: وعندك واحد حـــــوار وصلحوا ......... 
الخميس مارس 18, 2010 5:40 pm
